Viarchoŭnaja Rada Ukrainy prahałasavała za pryznačeńnie premjer-ministram krainy Dzianisa Šmyhala.
Kandydaturu Šmyhala Zialenski pradstaviŭ napiaredadni na pasiadžeńni frakcyi «Słuha naroda».
Vystupajučy pierad deputatami Šmyhal zajaviŭ, što budzie vykonvać tyja zadačy, jakija prezident Uładzimir Zialenski staviŭ pierad papiarednim uradam.
44-hadovy Dzianis Šmyhal — karenny lvavianin. Jon skončyŭ Lvoŭski palitech pa śpiecyjalnaści mieniedžmient mašynabudavańnia, inžynier-ekanamist. Kandydat ekanamičnych navuk. Šmyhal svabodna vałodaje anhlijskaj i polskaj movami.
Z pačatku dvuchtysiačnych pa 2009 hod pracavaŭ na kirujučych pasadach na pradpryjemstvach Lvova. Potym pierajšoŭ na dziaržaŭnuju słužbu ŭ Lvoŭskaj abłasnoj dziaržaŭnaj administracyi.
