Suśvietnaja arhanizacyja achovy zdaroŭja (SAAZ) zafiksavała za sutki 2241 novy vypadak zaražeńnia karanavirusam u śviecie, ź jakich 143 pryjšlisia na Kitaj, piša tass.ru.
Usiaho ŭ śviecie paćvierdžanyja 95333 vypadki zaražeńnia, ź jakich 80565 — u Kitai, a 14768 — za jaho miežami. Ahułam ad zachvorvańnia, vyklikanaha karanavirusam, pamierli 3015 čałaviek u Kitai (31 za minułyja sutki) i 267 — pa ŭsim śviecie (53 za sutki).
Uspyška vyklikanaha novym karanavirusam zachvorvańnia była zafiksavana ŭ kancy śniežnia 2019 hoda ŭ kitajskim horadzie Uchań. Suśvietnaja arhanizacyja achovy zdaroŭja (SAAZ) pryznała jaje epidemijaj z šmatlikimi ačahami i nadzvyčajnaj situacyjaj mižnarodnaha maštabu. Za miežami Kitaja bolš za ŭsio tych, chto zaraziŭsia, u Paŭdniovaj Karei, Iranie i Italii. Usiaho ž vypadki zaražeńnia byli vyjaŭleny bolš čym u 70 krainach, u tym liku ŭ Biełarusi.
