Kolkaść paćvierdžanych vypadkaŭ zaražeńnia karanavirusam novaha typu ŭ Niamieččynie vyrasła za sutki na 265 i dasiahnuła 1112. Pra heta paviedamiŭ u paniadziełak navukova-daśledčy Instytut imia Robierta Kocha (RKI) u svajoj štodzionnaj zvodcy, piša TASS.
Bolš za ŭsio zachvarełych — 484 — u zachodniaj fiederalnaj ziamli Paŭnočny Rejn — Viestfalija. U Bavaryi 256 infikavanych, u Baden — Viurtembierh — 199. Vypadki zafiksavanyja ŭ 15 ziemlach z 16. Jak zajavili ŭ RKI, ryzyka zaražeńnia zastajecca ŭmieranaj. Kiraŭnik Ministerstva achovy zdaroŭja FRH Jens Špan raniej kazaŭ, što pik raspaŭsiudžvańnia zachvorvańnia ŭ krainie jašče nie projdzieny. Taksama jon zajaŭlaŭ, što ŭ 80% vypadkaŭ chvaroba ŭ pacyjentaŭ praciakaje ŭ lohkaj formie abo naohuł bieź simptomaŭ.
Napiaredadni Špan rekamiendavaŭ admianić usie masavyja mierapryjemstvy kolkaściu bolš za 1 tys. čałaviek.
