Biełaruś pradstaviła Rasii novyja prapanovy pa pastaŭkach nafty. Pra heta zajaviŭ premjer-ministr Biełarusi Siarhiej Rumas, kamientujučy vyniki praviedzienaj u Maskvie sustrečy sa staršynioj urada Rasii Michaiłam Mišuścinym. Tranślacyju pres-padychodu Rumasa viała ŭ Facebook pres-sakratar premjera Alaksandra Isajeva, piša Tut.by.
Rumas skazaŭ, što zadavoleny vynikami pieramoŭ. Adnoj z tem sustrečy stała adnaŭleńnie doŭhaterminovych pastavak rasijskaj nafty ŭ Biełaruś.
— U apošni čas situacyja [na naftavym rynku] źmianiłasia. Suśvietnyja ceny na naftu ŭpali. Biełaruski bok pradstaviŭ novyja prapanovy rasijskim naftavym kampanijam. Rasijski bok paabiacaŭ na praciahu niekalkich dzion pravieści kansultacyi z rasijskimi naftavikami. Na pieršy pohlad, hetyja prapanovy nie byli adkinutyja rasijskim bokam. Dumaju, my prasuniemsia pa rašeńni naftavaj sprečki, — skazaŭ Rumas, ale nie ŭdakładniŭ detali prapanovy.
Situacyja z naftaj spravakavała vahańni na valutnym rynku. Jak adčuvaje siabie biełaruski rubiel?
— U apošni čas adbyŭsia adskok. [Rubiel umacavaŭsia.] Nijakaj paniki na valutnym rynku niama. Čerhaŭ u abmiennych punktach taksama niama. Situacyja budzie vyraŭnoŭvacca. Nacbank pravodzić uzvažanuju valutnuju palityku. Ludziam niama nijakaha sensu chvalavacca. Situacyja stabilnaja i pradkazalnaja, — ličyć premjer-ministr Biełarusi.
