Najlepšy futbalist Biełarusi 21 stahodździa Alaksandr Hleb abviaściŭ ab zaviaršeńni karjery. Jon hulaŭ za łondanski «Arsienał» i «Barsiełonu» — nichto ź biełaruskich futbalistaŭ nie zamacoŭvaŭsia ŭ składzie suśvietnych top-kłubaŭ.
Hleb pačynaŭ zajmacca futbołam u škole minskaha «Dynama». Za svaju hulniavuju karjeru jon stanaviŭsia pieramožcam Lihi čempijonaŭ (2008/09), čempijonam Ispanii (2008/2009), uładalnikam Kubka Ispanii (2008/09), vyjhravaŭ Kubak Intertota (2002), Kubak anhlijskaj lihi (2010/2011), źjaŭlajecca šaścirazovym čempijonam Biełarusi (1999, 2012, 2013, 2015, 2016, 2018).
Taksama futbalist byŭ najlepšym asistentam Bundeślihi (2004/2005) i 6 razoŭ pryznavaŭsia futbalistam hoda ŭ Biełarusi (2002, 2003, 2005, 2006, 2007, 2008).
Minuły siezon 38-hadovy Hleb pačynaŭ u BATE, dzie zhulaŭ 1 matč. Zatym jon pierabraŭsia ŭ «Isłač», u składzie jakoj pravioŭ 13 hulniaŭ.
U składzie zbornaj Biełarusi paŭabaronca pravioŭ 80 matčaŭ i zabiŭ 6 hałoŭ.