Tadevuš Kandrusievič, fota Siarhieja Hudzilina
Staršynia Kanfierencyi katalickich biskupaŭ Biełarusi, arcybiskup Tadevuš Kandrusievič vydaŭ rasparadžeńnie z pryčyny składanaj epidemijałahičnaj situacyi ŭ śviecie, jakaja skłałasia ŭ śviecie ŭ suviazi z pandemijaj karanavirusa, paviedamlaje catholic.by.
Bieručy pad uvahu niaspynnaje raspaŭsiudžvańnie niebiaśpiečnaj chvaroby, ź vieraju ŭ Božy Provid i z kłopatam pra zdaroŭje ŭsich našych hramadzianaŭ, u Katalickim Kaściole ŭ Biełarusi, jaki kłapocicca pra duchoŭnaje i fizičnaje dabro svaich viernikaŭ i ŭsiaho naroda, uvodziacca nastupnyja prafiłaktyčnyja sanitarnyja zachady.
- Ušanavańnie śviatoha Kryža, abrazoŭ i relikvij adbyvajecca praz uklenčvańnie ci hłyboki pakłon biez dotyku i całavańnia.
- Nie napaŭniać krapilnicy ŭ kaściołach aśviačonaj vadoj i rastłumačyć viernikam pra nieabchodnaść na peŭny čas ustrymacca ad ich vykarystańnia.
- Na vakoncach (kratach) kanfiesijanałaŭ pavinien być ustalavany abarončy materyjał, jaki nieabchodna rehularna dezinficyjavać i źmianiać z zachavańniem mieraŭ pieraściarohi.
- Znak supakoju pieradajecca schileńniem hałavy, biez taktylnaha kantaktu.
- Pierad celebracyjaj Eŭcharystyi duchoŭnyja asoby i ministranty pavinny staranna vymyć ruki i padčas jaje niaŭchilna zachoŭvać normy hihijeny.
Hetaje Rasparadžeńnie dziejničaje da jaho admieny.
0
0
0
0
0
0