U siecivie abmiarkoŭvajucca čutki pra śmierć žychara vioski Prysna-1, što pad Mahilovam.
«Naša Niva» źviazałasia z žonkaj mužčyny.
Akazałasia, što 53-hadovy Alaksandr sapraŭdy niadaŭna viarnuŭsia z Hiermanii. 18 sakavika jon prylacieŭ i ŭžo amal u toj ža dzień adčuŭ siabie błaha.
«Tempieratury nie było, ničoha takoha. Ale kazaŭ, što jamu ciažka dychać, — zhadvaje žonka mužčyny. — Pajechali my ŭ balnicu. Muža pakłali, dyjahnastavali pnieŭmaniju. Usio było, zdajecca, u paradku, ale 21 sakavika, praz try dni, jon raptoŭna pamior».
Žančyna padkreślivaje: u Alaksandra brali 2 analizy na karanavirus, u aeraporcie i ŭ balnicy. Abodva byli admoŭnymi.
U žonki pamierłaha analiz nie brali. Ciapier žančyna rychtujecca da pachavańnia muža.
Varta adznačyć, što chutkaciečnyja pnieŭmanii byvajuć i biez karanavirusa.