Urad Viktara Orbana atrymaŭ nadzvyčajnyja paŭnamoctvy. Adpaviedny zakon byŭ uchvaleny parłamientam Vienhryi ŭ paniadziełak, 30 sakavika. Za prahałasavali 137 deputataŭ, suprać — 53, piša Reuters.
Jon dazvolić uradu adnaasobna prymać ukazy, nieabchodnyja dla procidziejańnia pandemii karanavirusa, a taksama spyniać dziejańnie niekatorych zakonaŭ.
Zakon taksama praduhledžvaje turemnaje źniavoleńnie terminam da piaci hadoŭ za miery, «jakija pieraškadžajuć raspaŭsiudžvańniu virusa», a taksama za raspaŭsiud iłžyvaj infarmacyi, źviazanaj z pandemijaj.
Dziejańnie zakona abmiežavana peŭnymi terminami, jaho admienić parłamient, kali stanie jasna, što epidemija ŭ Vienhryi zaviaršajecca.
0
0
0
0
0
0