Temu ŭzmacnieńnia adkaznaści ŭ śfiery sanitarna-epidemijałahičnaj biaśpieki nasielnictva abmiarkoŭvajuć u biełaruskim parłamiencie. Pra heta raspaviała staršynia Pastajannaj kamisii pa achovie zdaroŭja, fizičnaj kultury, siamiejnaj i moładzievaj palitycy Pałaty pradstaŭnikoŭ Ludmiła Makaryna-Kibak, paviedamlaje «Minsk-Naviny».
Sustrakajucca hramadzianie, jakija ŭtojvajuć, što pryjechali z epidemijałahična niebiaśpiečnych krain, jakija admaŭlajucca ad izalacyi. U krainach ES i inšych suprać takich užyvajuć žorstkija sankcyi až da kryminalnaha pakarańnia. Mahčymyja miery adkaznaści razhladajuć i biełaruskija zakanadaŭcy.
— My abmiarkoŭvajem roznyja varyjanty, ale, napeŭna, spynimsia na administracyjnaj adkaznaści, — adznačyła Makaryna-Kibak. — U nas davoli spakojnaje stanovišča, tamu nie varta pierajmać žorstkija miery inšych krain.
