U niadzielu ŭviečary ŭ Minsku pamior pacyjent z karanavirusam. Pra heta redakcyi TUT.BY paviedamiła jaho dačka Maryna. Mužčynu było 70 hadoŭ.
Raniej Maryna raspaviadała TUT.BY, što z 5 pa 21 sakavika jaje baćka adpačyvaŭ u sanatoryi «Praleska». Napiaredadni adjezdu mužčyna adčuŭ siabie drenna, i rodnyja zabrali jaho dadomu.
— Kali tata pryjechaŭ, tempieratura ŭ jaho była 38 hradusaŭ, jon kašlaŭ. My davali jamu leki, ale lepš nie stanaviłasia, tamu vyrašyli vyklikać učastkovaha doktara.
Lekar paraiŭ zrabić zdymak. Zdymak pakazaŭ adnabakovuju pnieŭmaniju.
— U čaćvier, 26 sakavika, tatu špitalizavali ŭ 3-ju balnicu. Test pakazaŭ u jaho karanavirus, — raspaviadaje Maryna. — U niadzielu baćku pieraviali ŭ infiekcyjny špital.
Mužčyna znachodziŭsia na ŠVŁ.
Raniej «Naša Niva» paviedamlała, što 2 krasavika pamior supracoŭnik sanatoryja, u jakim i adpačyvaŭ 70-hadovy mužčyna.
Čytajcie taksama: «A my praciahvali prymać adpačyvajučych». U infiekcyjoncy pamior supracoŭnik sanatoryja «Praleska» ŭ Ždanovičach
