Budaŭničaja kampanija «Tapas» raspradała ŭsie 12 taŭnchausaŭ, pabudavanych kala zakaźnika «Lebiadziny».
«Naša Niva» paviedamlała, što haspadarami dvuch ź ich stali kiraŭnik DAI Dźmitryj Karziuk i dačka eks-premjera Siarhieja Sidorskaha.
Čytajcie. Kiraŭnik DAI kupiŭ taŭnchaus u «Lebiadzinym» za $290 tysiač. Inšy pakupnik addaŭ za takoje žyllo $450 tysiač
Taŭnchausy na vulicy Ratamskaj, fota Nadziei Bužan
Vyśvietliłasia, što za čas padrychtoŭki taho artykuła susiednija taŭnchausy nabyli jašče niekalki miedyjnych asobaŭ. Na heta źviarnuŭ uvahu Tut.by.
Havorka viadziecca pra biznesmiena Alaksieja Aleksina, jakomu naležać «Tabakierki» i MTBank. Jon zapłaciŭ za pałovu doma $400 tysiač.
Alaksiej Aleksin, fota Dźmitryja Bruško, Tut.by
Pakupnikom inšaha taŭnchausa staŭ Dźmitryj Baskaŭ. Jon hienieralny dyrektar chakiejnaha minskaha «Dynama». Doŭhi čas byŭ asabistym trenieram Koli Łukašenki.
Dźmitryj Baskaŭ, fota Darji Burakinaj, Tut.by
