president.gov.by
Łukašenka daŭ dabro na ekspart achoŭnych masak paśla nasyčeńnia nacyjanalnaha rynku. Adpaviednyja zadačy kiraŭnik dziaržavy pastaviŭ siońnia padčas naviedvańnia ŭ Babrujsku pradpryjemstva «Słavianka», paviedamlaje BiełTA.
«My praktyčna, kali mierkavać pa Mahiloŭščynie, nasycili maskami rynak. Užo niama toj vastryni, — skazaŭ Alaksandr Łukašenka. — Ale davajcie havaryć ščyra. Za miežami popyt vialiki? Treba realizoŭvać. I my kampiensujem tyja vydatki, jakija panieśli, zakuplajučy maski pa ŭsim śviecie».
Jak dałažyŭ hubiernatar Mahiloŭskaj vobłaści Leanid Zajac, u jaho rehijonie štodnia raschodujecca 20 tys. achoŭnych masak, a adšyvajuć — kala 470 tys. «Treba pradavać, kali jość popyt. Prosiać ža rasijanie, łatyšy hetyja maski. Čamu nie pradać? Treba dapamahčy ludziam, — padkreśliŭ kiraŭnik krainy. — Usie pradajuć maski. Heta istotny tavar. Pahladzicie na Kitajskuju Narodnuju Respubliku. Ja dumaju, jany ŭžo miljard masak pradali. Tamu treba vyrablać i pradavać».
Kiraŭnik dziaržavy jašče raz udakładniŭ, ci sapraŭdy ŭ vobłaści i krainie zakrytyja patreby miedustanoŭ i aptek u srodkach indyvidualnaj abarony. Jaho zapeŭnili, što prablem z hetym niama, kali dzieści hetyja vyraby adsutničajuć, to heta kropkavyja pytańni, jakija chutka vyrašajucca. U sutki ŭ Biełarusi šyjuć bolš za 2 młn masak. Da vytvorčaści padklučanyja jak bujnyja pradpryjemstvy, tak i mały biźnies, adukacyjnyja i sacyjalnyja ŭstanovy. Pryčym hetaja praca była arhanizavana praktyčna z nula — jašče paru miesiacy tamu ŭ krainie vyrablali tolki 60 tys. masak u sutki.
Łukašenka padkreśliŭ: kali ŭ niejkich aptekach niama masak ci cana na ich mocna zavyšanaja, ź imi varta ćviorda razabracca. «Zaŭtra jany pavinny być začynienyja. Nijakich uzhadnieńniaŭ!
Vy ich atrymali. Ja ŭsich papiaredžvaŭ: nie daj boh, my vyjavim niejkuju śpiekulacyju i inšaje. Tamu vyrašajcie ŭ vobłaści ŭsio sami, ni da jakoha Ministerstva achovy zdaroŭja nie treba źviartacca. Ministerstvu achovy zdaroŭja treba lačyć ludziej», — skazaŭ jon.
