Ciažej za inšych lubyja virusnyja infiekcyi, u tym liku i COVID-19, pieranosiać ludzi, jakija pakutujuć na branchijalnuju astmu. Pra heta zajaviŭ rasijski lekar-piedyjatr, infiekcyjanist, vakcynołah Jaŭhien Cimakoŭ, piša ria.ru.
Ludziam z astmaj treba asabliva bieražliva stavicca da svajho zdaroŭja padčas epidemii karanavirusa: abaviazkova vykonvać režym samaizalacyi, nasić miedycynskija maski i vytrymlivać sacyjalnuju dystancyju.
U rekamiendacyjach Nacyjanalnaha Miedycynskaha daśledčaha centra prafiłaktyčnaj miedycyny havorycca, što śpiecyjalisty pa chvarobach lohkich nie vyklučajuć uskładnieńniaŭ u ludziej, jakija pieranieśli COVID-19.
«U pacyjentaŭ, jakija pieranieśli zachvorvańnie, mahčyma raźvićcio lohačnaha fibrozu, branchijalnaj astmy», — havorycca ŭ rekamiendacyjach. Pry hetym adznačajecca, što pierakanaŭčych dokazaŭ hetaj teoryi pakul niama.
Raniej u krasaviku ŭ Fiederalnym miedyka-bijałahičnym ahienctvie (FMBA) RF paviedamili, što siarod maładych pacyjentaŭ ciažej za ŭsio karanavirusnuju infiekcyju pieranosiać ludzi z chraničnymi patałohijami — sardečnaj niedastatkovaściu, atłuścieńniem, cukrovym dyjabietam.
