Vilnia, 22 listapada 2019 hoda, fota Nadziei Bužan
14 maja 1995 hoda ŭ Biełarusi adbyŭsia pieršy refierendum. Jon byŭ arhanizavany ź inicyjatyvy Alaksandra Łukašenki. Pradstaŭniki apazicyi ŭ Viarchoŭnym Saviecie sprabavali supraciŭlacca jaho praviadzieńniu, ale byli žorstka źbityja.
Na plebiscyt byli vyniesienyja čatyry pytańni:
— Ci zhodnyja vy z nadańniem ruskaj movie roŭnaha statusu ź biełaruskaj? (Prahałasavała 83,3% udzielnikaŭ.)
— Ci padtrymlivajecie prapanovu ab ustanaŭleńni novych Dziaržaŭnaha ściaha i Dziaržaŭnaha hierba Respubliki Biełaruś zamiest bieł-čyrvona-biełaha ściaha i «Pahoni»? (75,1%)
— Ci padtrymlivajecie dziejańni prezidenta Respubliki Biełaruś, nakiravanyja na ekanamičnuju intehracyju z Rasijskaj Fiederacyjaj? (83,3%)
— Ci zhodnyja Vy ź nieabchodnaściu ŭniasieńnia źmianieńniaŭ u dziejnuju Kanstytucyju Respubliki Biełaruś, jakija praduhledžvajuć mahčymaść daterminovaha spynieńnia paŭnamoctvaŭ Viarchoŭnaha Savieta prezidentam Respubliki Biełaruś u vypadkach sistematyčnaha abo hrubaha parušeńnia Kanstytucyi? (77,7%)
Praź niekalki dzion kiraŭnik spravami prezidenta Ivan Ciciankoŭ źniaŭ bieł-čyrvona-bieły ściah z tahačasnaha budynka Administracyi i parvaŭ jaho.
U vyniku refierendumu biełaruskaja mova stała aktyŭna vyciaśniaccca ź dziaržaŭnaha i hramadskaha ŭžytku, sa škołaŭ, a za bieł-čyrvona-bieły ściah pačali zatrymlivać.