19 červienia projdzie aŭkcyjon pa prodažy prava arendy pamiaškańnia na płoščy Jakuba Kołasa, u jakim znachodzicca ŭniviersam «Staličny». Pra heta tut.by raspavioŭ namieśnik načalnika adździeła pa arhanizacyi i praviadzieńni aŭkcyjonaŭ Minskaha haradskoha centra nieruchomaści Cichan Čašajka.
«Staličny» maje płošču kala 2,5 tysiačy kvadratnych mietraŭ. Jaho aranduje ŭ horada CUM, i tut pracavali ŭniviersam, kaviarnia i bar. Ale niadaŭna CUM vyrašyŭ skasavać damovu arendy, tamu prava zaklučeńnia novaj damovy vystaŭlajuć na tarhi.
Jany projduć u Minskim haradskim centry nieruchomaści 19 červienia. Pačatkovaja cana — kala 2,1 tysiačy rubloŭ. Štomiesiačnyja arendnyja płaciažy za ŭvieś abjekt — kala 64 tysiač rubloŭ.
Nieabchodnyja ŭmovy, jakija maje vykanać novy arandatar, — zachavańnie nazvy «Staličny», zachavańnie abjekta hramadskaha charčavańnia, ramont hranitnaha azdableńnia ścien i hankaŭ handlovaha kompleksu.
Damova arendy zaklučajecca terminam na piać hadoŭ.