Balnicy Viciebska paetapna viartajucca da zvyčajnaha režymu pracy. Druhoj miedustanovaj horada, jakaja adnović z nastupnaha tydnia svaju profilnuju pracu, stanie Viciebskaja abłasnaja kliničnaja balnica. Pra heta paviedamiŭ siońnia ŭ Viciebsku žurnalistam ministr achovy zdaroŭja Uładzimir Karanik, pieradaje BiełTA.
Fota Nadziei Bužan.
Pa słovach ministra, situacyja ŭ samym paŭnočnym rehijonie krainy pieršapačatkova raźvivałasia nie zusim dobra pa toj pryčynie, što na siezonny ŭzdym reśpiratornych infiekcyj i pnieŭmanij napłastavałasia jašče i karanavirusnaja infiekcyja, što zapatrabavała pieraprafilavańnia łožkavaha fondu.
«Kali na piku my časam bačyli bolš za 200 vypadkaŭ pnieŭmanii ŭ sutki, to ciapier hetyja pakazčyki ŭpali da 20-30 vypadkaŭ pa Viciebsku, što ŭ pryncypie ŭžo nabližajecca da naturalnaj normy. Dumaju, što ŭ najbližejšy čas ich kolkaść budzie i dalej źmianšacca, uličvajučy, što siezonnyja zachvorvańni sychodziać, choć i ź niekatorym spaźnieńniem. Vinoj tamu ciopłaja zima i chałodnaja viasna, ale, miarkujučy pa prahnozach, nadvorje adnovicca, i siezonnyja reśpiratornyja infiekcyi syduć», — kanstatavaŭ Uładzimir Karanik.
