Sud u Sinhapury prysudziŭ da śmiarotnaha pakarańnia padsudnaha praz prahramu dla videazvankoŭ Zoom. Heta pieršy padobny vypadak u krainie, paviedamlaje The Telegraph.
Asudžany, 37-hadovy małajzijec Punitan Hienasan, byŭ pryznany vinavatym u handli hierainam i budzie paviešany. Vierdykt sudździaŭ abviaščaŭsia pa videasuviazi «dziela biaśpieki ŭsich udzielnikaŭ słuchańniaŭ», zajaviŭ pradstaŭnik sudovych orhanaŭ. Jon paćvierdziŭ, što raniej da takoj miery nie źviartalisia.
Zakony Sinhapura praduhledžvajuć vielmi žorstkija pakarańni za ŭdzieł u abarocie narkotykaŭ — za apošnija dziesiacihodździ tam pa narkatyčnych artykułach paviesili sotni ludziej, uklučajučy dziasiatki zamiežnikaŭ. Pravaabaroncy ličać, što sinhapurskija ŭłady zališnie žorstkija.
