U Homieli admovilisia ad idei budaŭnictva fłahštoka za 1,5 młn rubloŭ, suprać jakoha vystupali tysiačy haradžan, piša Tut.by.
Uviečary 20 maja karystalnik telehram-čata kanstruktyŭnych źmianieńniaŭ Aleks zaŭvažyŭ aktyŭnaść na budaŭničaj placoŭcy. A na nastupny dzień ź miesca budoŭli źnikli abstalavańnie, technika, ubityja svai dastali, a placoŭku razraŭniali.
U abłvykankamie TUT.BY paćvierdzili zdahadki aktyvistaŭ — fłahštoka nie budzie.
U lutym stała viadoma pra toje, što da Dnia Pieramohi ŭ Homieli na płoščy Lenina płanujuć ustanavić 60-mietrovy fłahštok. Mietaličnaja stojka pavinna byli ŭklučać miechaničny i ručny ŭzdym ściaha, pamier pałotnišča 12×6 mietraŭ. Na sajcie dziaržzakupak źjaviłasia abviestka pra tendar na praviadzieńnie rabot pa jaho ŭstanoŭcy, a taksama dobraŭparadkavańni terytoryi navokał. Košt zakazu — amal 1,5 młn rubloŭ. Hrošy na heta płanavali ŭziać ź miascovaha biudžetu.
Hamialčanie stvaryli pietycyju suprać budaŭnictva fłahštoka. Jaje padpisali bolš za 4,5 tysiačy čałaviek.