Hienieralnaja prakuratura Biełarusi nie kamientuje situacyju z probaščam kaścioła śviatoj Hanny ŭ vioscy Mosar Viciebskaj vobłaści ksiandzom Juozasam Bulkam.
Jak raniej paviedamlałasia, jašče ŭ kastryčniku 2008 h. litoŭskaja prakuratura abjaviła 83‑hadovaha katalickaha śviatara ŭ jeŭrapiejski vyšuk, abvinavačvajučy jaho ŭ hienacydzie. Pavodle viersii litoŭskich prakuroraŭ, u pačatku 1950‑ch hadoŭ Ju.Bulka supracoŭničaŭ z kamunistyčnymi ŭładami, dapamahajučy im vysočvać i zabivać partyzan, jakija vajavali suprać savieckaj ułady.
«Jon moža być aryštavany ŭ luboj krainie Jeŭrapiejskaha sajuza, — zajaviŭ pamočnik hałoŭnaha prakurora Ihnalinskaha rajona Litvy Ihnas Vajaha.
«My taksama nakiravali jak minimum try dakumientalna paćvierdžanyja zapyty ab dapamozie hienprakuroru Biełarusi, ale nie atrymali adkazu».
Kali Juozas Bulka paŭstanie pierad litoŭskim pravasudździem i budzie asudžany, to jamu pahražaje źniavoleńnie terminam da 25 hadoŭ.
U Hienieralnaj prakuratury Biełarusi pakinuli biez adkazu pytańnie BiełaPAN ab tym, ci atrymlivali ŭ Minsku aficyjnyja zapyty ab dapamozie litoŭskaha boku.
0
0
0
0
0
0
