Babrujskuju stancyju chutkaj dapamohi, miedyki jakoj napisali Łukašenku list z prośbaj rastłumačyć paradak dapłat za pracu z zaražanymi karanavirusam, uznačaliła Taćciana Hołubieva. Da hetaha jana kiravała Babrujskaj lačebna-kansultacyjnaj paliklinikaj i na novaj pasadzie źmianiła Siarhieja Čudava, paviedamlaje Tut.by.
Fota: Miron Klimovič, Tut.by.
Taćciana Hołubieva ŭ razmovie z žurnalistam TUT.BY paćvierdziła, što ciapier jana — hałoŭny doktar Babrujskaj stancyi CHMD.
Dzie ciapier budzie pracavać były kiraŭnik stancyi chutkaj dapamohi Babrujska Siarhiej Čudaŭ, pakul što nie viadoma — źviazacca ź im taksama nie ŭdałosia. Nahadajem, što jon zvolniŭsia 22 maja.
A za dva dni da hetaha, 20 maja, schod rabotnikaŭ chutkaj miedycynskaj dapamohi ŭ Babrujsku skončyŭsia skandałam u prysutnaści supracoŭnikaŭ BT.