Pasoł Hiermanii Hiebchard Vajs, vystupajučy ŭ paniadziełak na adkryćci 4‑ha dysputu pamiaci Jochanesa Raŭ, zrabiŭ niekalki zajaŭ adnosna palapšeńnia stasunkaŭ miž Biełaruśsiu i Jeŭrasajuzam. Na mierapryjemstvie prysutničaŭ premjer‑ministr ziamli Brandenburh Macijas Płacek i ministr zamiežnych spraŭ Biełarusi Siarhiej Martynaŭ.
Vajs adznačyŭ, što siońnia ŭžo zusim inšaja i adroznaja situacyja ad toj, što była jašče dva hady tamu. Spadar pasoł nazvaŭ jaje «pryncypova novaj fazaj raźvićcia».
«Razam z tym, vy pryjechali ŭ pieryjad, kali nadziei ŭ dačynieńni Biełarusi ŭzrastajuć, ale jašče nie da kanca stabilnyja, jany zmahajucca sa skieptycyzmam, što apraŭdany minułym», — źviarnuŭsia Vajs da premjera Brandenburha.
«Tamu ciapier nastupiŭ čas, kali šlacham paśladoŭnych, stanoŭčych i kanstruktyŭnych dziejańniaŭ usich akcioraŭ taki skieptycyzm moža zhubić svaju pładarodnuju hlebu. I takim čynam nadziei mohuć stać upeŭnienaściu, i krok za krokam — realnaściu.
Hety nieabchodny praces najpierš u rukach Biełarusi i jaje adkaznych elit. Ale važna i toje, što ŭ dadzienaj situacyi Hiermanija i Jeŭrasajuz bolš hatovyja da supracoŭnictva, čym kali‑niebudź raniej», — skazaŭ pasoł Hiermanija.
