U Brasłavie na dapamohu ptušaniaci lebiedzia, jaki trapiŭ na rybałoŭny kručok, pryjšli vyratavalniki z MNS, paviedamlaje miascovaje vydańnie «Brasłaŭskaja źviazda».
Vyratavalnikam patelefanavała žančyna, jakaja niedaloka ad bieraha voziera Naviata zaŭvažyła, što ź dziuby ŭ adnaho z ptušaniat tyrčyć rybałoŭny kručok, a loska zabłytałasia vakoł tryśniahu. Na dapamohu ptušaniatku paśpiašalisia brasłaŭskija ratavalniki, supracoŭniki rajonnych inśpiekcyj pryrodnych resursaŭ i achovy navakolnaha asiarodździa, a taksama vieterynarnaj stancyi..
Ale lebiedź nie dapuskaŭ ludziej da siamiejstva, a ptušaniaci ŭdałosia złamać traścino, paśla čaho ptuški spłyli ad bieraha. Vyratavalnikam daviałosia pryvieźci na voziera nadzimanuju łodku i na joj dahnać siamju lebiedziaŭ. Paranienaje ptušanio adłavili pry dapamozie sačka, dastali kručok ź dziuby, a lebiedzianio advieźli nazad da baćkoŭ.
