U strachavoj kampanii «Kientaŭr», dzie ŭ čaćvier, 11 červienia prajšli pieratrusy, zabłakavali rachunki klijentaŭ. Pra heta TUT.BY raspavioŭ dyrektar kampanii Siarhiej Procharčyk. Pa jaho słovach, nijakich tłumačeńniaŭ kampanija pakul nie atrymała.
Rachunki klijentaŭ «Kientaŭra» byli zabłakavanyja jašče ŭ piatnicu.
— My naniali advakataŭ, sprabavali niešta vyśvietlić, zapatrabavać, kab rachunki razmarozili, ale pakul nijak nie možam paŭpłyvać na situacyju. Jakich-niebudź tłumačeńniaŭ nam tak i nie dali. Ciapier nam nie dajuć raźličvacca ź ludźmi, i heta drenna, — skazaŭ Siarhiej Procharčyk.
Pieratrusy prajšli ŭ dvuch ofisach kampanii ŭ čaćvier, 11 červienia. Paśla ich dyrektar raspaviadaŭ, što ŭ ich kanfiskavali dakumienty pa farmiravańni statutnaha fondu, pratakoł schodu akcyjanieraŭ, bazu pa buchuliku, dva pracoŭnyja noŭtbuki, dva telefony. Nikoha nikudy nie vyklikali i nie dapytvali, abvinavačvańniaŭ nie pradjaŭlali.
— Ź Biełhazprambankam u nas dobryja pracoŭnyja adnosiny, asnovu jakich składaje damova na raźlikova-kasavaje absłuhoŭvańnie. My supracoŭničajem ź imi šmat hadoŭ, ale, akramia hetaha, supracoŭničajem jašče z 13 bankami, — kazaŭ Siarhiej Procharčyk.
