U Astraŭcy, jak viadoma, pabudujuć atamnuju elektrastancyju. Z hetaj nahody, razam z usim paspalitym ludam ciešycca-tryumfuje i Biełaruskaja Partyja Zialonych. Jany amal niepadpolna navat vydali hazietku «Mirny atam», u jakoj jasna adčuvajecca počyrk lehiendarnych «Navinak».
U numary:
Pra mutanta, bienhalskaha zubra-bielaka, čyja połavyja śpiełaść nastupaje praz 10 chvilin, a samica jakoha zdolnaja adkładvać da 30 jajek.
Konkurs na najlepšy zdymak atamnaha «hryba» na mabilnik (pieršy pryz —«realna ababitaja kutasikami faniernaja truna»).
Repartaž z Horackaha rajonu, ź miascovaści, dzie koliś mierkavałasia pabudavać atamnuju elektrastancyju. Pavodle haziety «Mirny Atam», u Horackim rajonie z taje pryčyny nazirajecca vybuch depresiŭnych i suicydalnych nastrojaŭ.
A jašče mirnaatamaŭcy arhumientavana prahnazujuć pieraŭtvareńnie Astraŭca ŭ adzin z centraŭ płaniety (a-la Novyja Vasiuki). I kali heta ŭpraŭdu adbudziecca, i ŭ Astraŭcy navat praviaduć mietro, dyk dziakujučy haziecie «Mirny atam» u novych stancyjaŭ užo buduć hatovyja nazvy dla stancyjaŭ. Takim čynam, uvazie čytača prapanujecca schiema budučaha astravieckaha mietrapalitena, dzie jość stancyi «imia 300-hodździa paŭraspadu» i «Ščytavidnaja» (z vychadam da pitomnika mutantaŭ).
