Uviečary 20 červienia ŭ Kobrynie z akna kvatery na 5 paviersie vypaŭ 6-hadovy chłopčyk. Dzicia znachodziłasia doma z 12-hadovaj siastroj. Chłopčyk znajšoŭ ručku ad akna, schavanuju baćkami ŭ kvatery, zalez na stoł, zatym na padakońnik i, adkryŭšy akno, abapiorsia na maskitnuju sietku. Jon vypaŭ, paviedamlaje Śledčy kamitet.
Dniom 21 červienia trochhadovy bieraściejec padčas hulni sa starejšym bratam zalez na padakońnik i taksama abapiorsia na maskitnuju sietku adčynienaha akna, u vyniku čaho pa anałahičnych pryčynach vypaŭ z vyšyni 4 paviercha.
Anałahičnyja zdareńni adbylisia na vychadnych i ŭ Viciebskaj vobłaści. Ranicaj 19 červienia biahučaha hoda ŭ Viciebsku i vioscy Mazałava Viciebskaha rajona 2-hadovyja chłopčyki vypali z voknaŭ na pieršym paviersie. Pieršy vypadak nie adroźnivajecca ad papiarednich — dzicia nacisnuła na maskitnuju sietku akna i vypała na vulicu. U druhoj situacyi padzieńnie adbyłosia z akna vierandy, jakoje adčynili dla taho, kab vymyć šyby.
Dzieci znachodziacca na lačeńni. Ich žyćciu ničoha nie pahražaje.
