Advakat Viktara Babaryki Dźmitryj Łajeŭski praz čatyry dni ŭbačyŭsia sa svaim padabaronnym u KDB, kudy jaho vyklikali dla pracesualnych dziejańniaŭ i dzie im atrymałasia krychu pahavaryć. Pretendent u prezidenty maje namier abskardzić siońniašniuju pastanovu suda pa pytańni zatrymańnia, a taksama mieru strymańnia, raspavioŭ Dźmitryj Łajeŭski Tut.by.
Fota Nadziei Bužan
— Viktar Dźmitryjevič zdarovy, vielmi cikavicca tym, što adbyvajecca ŭ krainie. My majem namier dalej abskardžvać siońniašniuju pastanovu suda pa pytańni zatrymańnia, a taksama mieru strymańnia. Va ŭsim astatnim pazicyja hetak ža pryncypovaja. Z žyćciovaha: Viktar Dźmitryjevič zaraz płanuje pravieści detalovy paraŭnalny analiz usich redakcyj našaj Kanstytucyi, pakolki ŭsio, što adbyvajecca ź im, u jašče bolšaj stupieni ŭmacavała jaho pierakananaść u važnaści taho, jakaja Kanstytucyja pavinna być u asnovie zakanadaŭstva. Datyčna listoŭ, jakija jamu pišuć ludzi — na žal, na hety momant jon ničoha nie atrymaŭ. My spadziajomsia, što ŭ hetym pytańni ŭsio naładzicca i jamu buduć pieradavać listy, — adznačyŭ Łajeŭski.
Apošni raz advakat Dźmitryj Łajeŭski sustrakaŭsia z eks-bankiram u KDB 20 červienia, kali ŭ jaho prysutnaści prachodzili «pracesualnyja dziejańni». Paśla hetaha trapić da svajho klijenta advakat nie moh.
