Štab Viktara Babaryki vystupiŭ sa zvarotam nakont farmiravańnia vybarčych kamisij.

«Ad inicyjatyvy #sumlennyja ludzi zajavu padali bolš za 2000 čałaviek. Dziŭnym čynam praktyčna ŭsim hetym ludziam admovili — admovili nieabhruntavana i cynična, pieratvaryŭšy ŭ fars praceduru vyłučeńnia i hałasavańnia i pakinuŭšy biez uvahi sabranyja dziasiatki tysiač podpisaŭ vybarščykaŭ z učastkaŭ. Pry hetym akazałasia ŭsio roŭna, chto byŭ zajaŭnikam — kiraŭnik pradpryjemstva, unikalny śpiecyjalist, viadomy muzykant abo student Harvardskaha univiersiteta», — havorycca ŭ paviedamleńni.

Paviedamlajecca, što pamier składu kamisij byŭ panižany da takoha, kab tudy trapili tolki tyja ludzi, jakija pavinny tam być.

U štabie ličać, što možna kazać pra sapraŭdnuju zmovu, tamu što heta «vidavočna kožnamu, chto bačyŭ strymy».

Štab źviartajecca da ŭsich, chto niasie adkaznaść za toje, što adbyvajecca.

«Zrazumiejcie, 2020 hod — asablivy. Situacyja źmianiłasia. Nielha parušać vybarčyja pravy hramadzian, tamu što tolki sumlennyja vybary źjaŭlajucca aptymalnym i mirnym sposabam likvidacyi biahučaha napružańnia. My zaklikajem i prosim usich — chaj vybary buduć sumlennymi. Biełarusy heta zasłužyli», — kaža štab.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?