U Oršy viečaram zatrymali 28-hadovaha miascovaha žychara Alaksandra Andrejeva, piša Radyjo Svaboda.
Jahonaja žonka Palina vyśvietliła, što jamu inkryminujuć administracyjnaje pravaparušeńnie, ale jakoje, pakul nieviadoma. Jana miarkuje, što heta ŭdzieł 19 červienia ŭ «łancuhu salidarnaści». Pavodle jaje, sudzić Alaksandra buduć paśla vychadnych. Ciapier jon u miascovym izalatary časovaha ŭtrymańnia.
Palina zastałasia adna z dvuma małymi dziećmi. Kaža, što pakul nie asensavała taho, što adbyłosia z mužam. Razumieńnie pryjdzie, jak upravicca ź dziećmi.
Pa słovach Paliny, u mai Alaksandr adsiedzieŭ u izalatary 10 sutak administracyjnaha aryštu za ŭdzieł u sustrečy z błohieram Siarhiejem Cichanoŭskim. U Aršanskim izalatary ŭžo adbyvaje 13-sutkavaje pakarańnie aktyvist AHP z susiedniaha rajcentra Dubroŭna Michaił Čamuraka, taksama za «łancuh salidarnaści».
Alaksandar Andrejeŭ — stvaralnik i administratar telehram-kanału «Orša dla žiźni».
U Oršy a 21 hadzinie zatrymali čalca inicyjatyŭnaj hrupy Śviatłany Cichanoŭskaj — Paŭła Parfianienku. Pra heta paviedamiła Svabodzie žonka zatrymanaha Julija. Pavodle jaje pa Paŭła pryjechali damoŭ i ciapier jon u miascovym izalatary. Tam prabudzie prynamsi da paniadziełka.
