Vybary prezidenta Isłandyi ŭpeŭniena vyjhraŭ dziejny kiraŭnik krainy Hviudni Joŭchaniesan, jaki ŭ 2016 hodzie staŭ samym maładym prezidentam u historyi krainy z momantu atrymańnia niezaležnaści ŭ 1944 hodzie, paviedamlaje isłandskaje telebačańnie.
Joŭchaniesan atrymaŭ 92,2% hałasoŭ, a jaho supiernik Hiurmundur Franklin Jonsan — 7,8% hałasoŭ.
Vybary prezidenta prajšli ŭ Isłandyi 27 červienia, u ich uziaŭ udzieł 168 821 žychar astraŭnoj dziaržavy. U Isłandyi 365 tysiač nasielnictva.
52-hadovy Joŭchaniesan, jaki nie naležaŭ da niejkaj palityčnaj partyi, zajmaje pasadu prezidenta Isłandyi z 2016 hoda. Prezident u Isłandyi vykonvaje, u asnoŭnym, pradstaŭničyja funkcyi, ale ŭ jaho jość prava nakładvać vieta na pryniatyja zakony i sklikać refierendumy.
