Žychar doma na vulicy Hrybajedava ŭ Minsku vykinuŭsia z ahulnaha bałkona na 24 paviersie, pierad hetym vykinuŭšy svaju małuju dačku i svajho sabaku.
Pra heta pieršym paviedamiŭ u tvitary błohier Dzianis Blišč.
Karespandent «NN» paviedamlaje, što kala doma pa adrasie Hrybajedava, 1 stajać try mašyny ratavalnikaŭ i adzin aŭtamabil reanimacyi. Žonku vyvieli z doma, pasadzili ŭ chutkuju dapamohu. Jana ŭ adčai.
Kažuć, niezadoŭha da zdareńnia pačuŭsia strašenny žanočy kryk: «Što ty robiš?» Potym pačuŭsia voplesk. La padjezda lažaŭ maleńki sabačka, dziaŭčynka, na prystupkach — cieła mužčyny. Ciapier usio nakryta. Susiedzi raskazvajuć, što maładaja siamja žyła na 5 paviersie.
Śledčy kamitet u svaim telehram-kanale paćvierdziŭ, što kala žyłoha doma (ukazvajecca adras pa vulicy Repina — «NN») znojdzienyja cieły mužčyny i dziciaci z prykmietami padzieńnia z vyšyni. Na miesca zdareńnia pryjechaŭ kiraŭnik SK pa Minsku Siarhiej Pasko.