Najvažniejšy faktar raźvićcia dziaržavy — heta ŭstojlivaść. Sistemu adnosin, jakaja skłałasia ŭ krainie, ni ŭ jakim vypadku nielha raschistvać. Takoje mierkavańnie vykazaŭ karespandentu BiełTA zahadčyk kafiedry historyi novaha i najnoŭšaha času Biełaruskaha dziaržaŭnaha ŭniviersiteta, zasłužany rabotnik adukacyi Uładzimir Košaleŭ.
73-hadovy historyk adznačyŭ, što Biełaruś «raźvivajecca ŭstojliva i pastupova, biez rezkich, skačkapadobnych źmienaŭ. I heta dobra dazvalaje damahacca najlepšych vynikaŭ».
Sučasny etap historyi Uładzimir Košaleŭ acharaktaryzavaŭ jak «vielmi niespakojny, turbulentny i niepradkazalny».
U takoj situacyi, na jaho dumku, asabliva važna, jak paviadzie siabie hramadstva. «Najvažniejšym faktaram raźvićcia źjaŭlajecca ŭstojlivaść. Ni ŭ jakim razie nielha raschistvać tuju sistemu adnosin, jakaja skłałasia ŭ našaj krainie, jakija b ni byli da jaje pretenzii. Varta tolki razburyć hetuju sistemu, i ŭsio palacić dahary nahami. My nie vystaim», — ličyć Uładzimir Košaleŭ.
Čytajcie taksama:
Prafiesar BDU patrabuje pastavić u Minsku pomnik impierataru Alaksandru II
