Pavodle rasparadžeńnia Łukašenki ad 2 lipienia ŭ Minsku ŭ 2020-2024 hadach płanujecca pabudavać čatyry internaty dla VNU. Takaja infarmacyja raźmieščana na Nacyjanalnym pravavym internet-partale.
Adzin ź internataŭ budzie na 1030 miescaŭ. Ź ich 530 miescaŭ vydzielać Biełaruskamu dziaržaŭnamu ŭniviersitetu infarmatyki i radyjoelektroniki i 500 — Biełaruskamu dziaržaŭnamu miedycynskamu ŭniviersitetu. Jašče dva internaty na 1030 miescaŭ kožny pabudujuć dla BNTU i BDTU. Akramia taho, budzie ŭźviedzieny internat na 700 miescaŭ dla Biełaruskaha dziaržaŭnaha ŭniviersiteta fizičnaj kultury.
Akramia hetaha, dla Biełaruskaha dziaržaŭnaha miedycynskaha ŭniviersiteta ŭ najbližejšyja čatyry hady zapłanavana budaŭnictva Vučebnaha korpusa praktyka-aryjentavanaha navučańnia na 1000 miescaŭ.
Rasparadžeńniem vyznačany hienieralnyja prajektnyja i padradnyja arhanizacyi, jakija buduć zajmacca budaŭnictvam hetych abjektaŭ.
Kantralavać vykanańnie rasparadžeńnia budzie Kamitet dziaržaŭnaha kantrolu.
