18 tysiač dalaraŭ, jakija zachoŭvalisia na bankaŭskim rachunku, što naležyli 34-hadovaj žycharcy rajcentra, zmarnavaŭ na anłajn-staŭkach jaje muž. Ciapier 26-hadovy ŭradženiec Homiela pryznany padazravanym pa kryminalnaj spravie, paviedamlaje MUS.
Fota Nadziei Bužan.
Paciarpiełaja ŭziała na svajo imia pa ŭhavorach muža spažyvieckija pazyki na 5 tysiač dalaraŭ. Valuta pryznačałasia dla raźvićcia svajoj spravy (padazravany zapeŭnivaŭ, što budzie zajmacca ramontam kampjutarnaj techniki), adnak u vyniku hrošy patracili na paŭsiadzionnyja patreby. Kab pahasić daŭhi, žančyna vyrašyła pradać kvateru.
Paśla ździełki hrošy zaličyli na bankaŭski rachunak, jaki pryviazany da internet-bankinhu. Skarystaŭšysia invalidnaściu žonki, padazravany ŭpotaj pieravioŭ valutu spačatku na kartku, a zatym — na svoj profil u bukmiekierskaj kantory. Na anłajn-staŭkach mužčyna prajhraŭ usiu sumu.
Paźniej hamialčuk sam paviedamiŭ, što hrošy źnikli z rachunku. Žančyna źviarnułasia ŭ milicyju.
