Paśla admovy ŭ rehistracyi kandydatami ŭ prezidenty Viktara Babaryki i Valeryja Capkały ŭ mnohich haradach Biełarusi, u tym liku i ŭ Breście, prajšli vuličnyja akcyi pratestu. Ułady adkazali siłavym razhonam i masavymi zatrymańniami, piša Bresckaja hazieta.
Staršynia Bresckaha harvykankama Alaksandr Rahačuk 15 lipienia na bryfinhu raspavioŭ žurnalistam, što ŭčora ŭviečary ŭ Breście było zatrymana 45 čałaviek. Ź ich vosiem adpuścili, 37 zastajucca ŭ IČU.
Na ich skłali pratakoły za ŭdzieł u niesankcyjanavanym mierapryjemstvie (artykuł 23.34 KaAP), u niekatorych dadadzienyja i inšyja artykuły. Kiraŭnik horada spadziajecca, što ŭsie abvinavačvańni buduć tolki ŭ ramkach administracyjnaj adkaznaści.
0
0
0
0
0
0
