Alaksandr Łukašenka naviedvaje siońnia 5-ju asobnuju bryhadu śpiecyjalnaha pryznačeńnia, piša BiełTA.
Kamandujučy siłami śpiecyjalnych apieracyj Vadzim Dzienisienka dałažyŭ kiraŭniku dziaržavy pra arhanizacyjna-štatnuju strukturu i asnoŭnyja zadačy bryhady, zatym kiraŭnik krainy aznajomiŭsia z uzorami ŭzbrajeńnia, ryštunku i formaj adzieńnia padraździaleńniaŭ śpiecyjalnaha pryznačeńnia.
Alaksandru Łukašenku taksama pakazali niekalki ŭzoraŭ ahulnavajskovaj formy. Jon pacikaviŭsia ŭ vajskoŭcaŭ, nakolki jana zručnaja i znosaŭstojlivaja. Narakańniaŭ sałdaty i aficery nie vykazali, adznačyŭšy, što novaja forma pašytaja z tkaniny, jakaja dychaje, dobra nosicca, akramia taho, jość uzory na luboje nadvorje.
«Hałoŭnaje, kab zručna było. Ja pamiataju tuju formu (stary ŭzor), asabliva letam, — heta muki hrešnyja», - zaŭvažyŭ kiraŭnik dziaržavy.
Łukašenka ahledzieŭ strałkovaje ŭzbrajeńnie, jakoje vykarystoŭvajuć atrady śpiecyjalnaha pryznačeńnia: kulamioty, snajpierskija vintoŭki, aŭtamaty, hranatamioty i rakietnuju ŭstanoŭku.
