Žychara Lidy Dzianisa Rudzieviča asudzili jašče na 15 sutak administracyjnaha aryštu. Rašeńnie vynies sud Lidskaha rajona 29 lipienia, paviedamlaje Radyjo Svaboda
Rudzieviča asudzili za parušeńnie zakanadaŭstva ab masavych mierapryjemstvach. 28 lipienia błohier mieŭsia vyjści paśla papiaredniaha administracyjnaha aryštu, adnak u toj dzień jaho nie vypuścili i skłali novy administracyjny pratakoł.
Pieršy raz Rudzieviča zatrymali ludzi ŭ cyvilnym 19 červienia padčas «łancuha salidarnaści» ŭ Hrodnie. Rudzievič vioŭ strym z padziei. Na jaho skłali administracyjny pratakoł za ŭdzieł u niesankcyjanavanym masavym mierapryjemstvie i adpuścili.
Nastupnym razam jaho schapili ludzi ŭ cyvilnym 13 lipienia kala budynka suda ŭ Hrodnie, kudy Rudzievič pryjechaŭ padtrymać paplečnikaŭ. Jaho źmiaścili ŭ izalatar časovaha ŭtrymańnia. Sudovy administracyjny praces adbyvaŭsia patajemna, tady błohiera asudzili na 15 sutak administracyjnaha aryštu.
