belsat.eu
Zatrymańnie adbyłosia kala 23:30. Aktyvist «Moładzievaha błoka» Piatro Markiełaŭ razam ź inšymi pryjšoŭ padtrymać dziaŭčynu Dźmitryja Furmanava Volhu Karakinu. Jana trymaje tam haładoŭku.
Pryčyna zatrymańnia — niby aktyvist padobny na niejkaha čałavieka, u adnosinach da jakoha majucca padstavy dla zatrymańnia. Piatra Markiełava pavieźli ŭ nieviadomym nakirunku. Vierahodna, u RUUS Centralnaha rajona Minska, piša spring96.org.
Nahadajem, z 26 lipienia svajaki palitviaźnia — maci Volha Furmanava i jaho dziaŭčyna Volha Karakina — abviaścili biesterminovuju haładoŭku kala budynka SIZA z patrabavańniem vyzvalić Dźmitryja Furmanava, jaki byŭ zatrymany ŭ Hrodnie 29 maja pa spravie Siarhieja Cichanoŭskaha.
Ciaham troch sutak z pačatku haładoŭki ni milicyja, ni pradstaŭniki ŭłady nijak nie reahavali na haładoŭnikaŭ. 29 lipienia ranicaj paviedamili, što Dźmitryja pieravieźli ŭ śledčy izalatar u Žodzinie. Volha Karakina praciahnuła haładoŭku na vulicy Vaładarskaha. Padtrymać jaje prychodzić šmat ludziej, u tym liku nočču. Ale 29 uviečary da budynka SIZA №1 na mikraaŭtobusie pryjechali supracoŭniki AMAPa, jakija niejki čas dziažuryli tam da zatrymańnia aktyvista.
