U Miensku prajšoŭ tradycyjny mižnarodny konkurs hracyi i majsterstva «Karaleva Viasna‑2009». Udzieł u im, aproč biełaruskich dziaŭčat, prymali studentki ŭniviersitetaŭ Rasii, Ukrainy, Litvy i Łatvii.
Ad konkursaŭ «Mis…» «Karaleva Viasna» adroźnivajecca tym, što ŭdzielnicam zamiest vychadu ŭ kupalnikach treba prademanstravać svaje tvorčyja zdolnaści — stančyć ci praśpiavać, naprykład. Studentka Linhvistyčnaha ŭniviersitetu, armianka Naryne Ahandžanian, padyšła da zadańnia dosyć nieardynarna — stančyła narodny armianski taniec… ź biełaruskaj dziaržaŭnaj simvolikaj. I atrymała karonu druhoj vice‑mis i pryz hladackich simpatyjaŭ. Pradstaŭniki dyjaspary spantanna ŭstroili fiejeryčnaje śviatkavańnie — tančyli i śpiavali na scenie, padkidvali Naryne na rukach.
A hałoŭny pryz dastaŭsia Taćcianie Lebiedzievaj sa Staŭrapala. Usiu praceduru ŭznaharody jana prapłakała — vidać, pieramoha dla jaje stała niečakanaściu.
Nie abyšłosia biez kurjozaŭ. Kali viadučy abviaściŭ «novy prajekt Rainčyka, pierśpiektyŭny duet «Žanočaja liha», zajhrała fanahrama pieśni. A śpiavački vyjści nie paśpieli.
Narodny armianski taniec ź biełaruskaj dziaržaŭnaj simvolikaj
Taćciana Lebiedzieva, studentka Staŭrapalskaha dziaržuniviersitetu,
atrymała karonu "Karalevy viasny"
Hanna Łaŭrenćjeva ź Biełaruskaha dziaržaŭnaha
ŭniviersiteta fizičnaj kultury stała pieršaj vice-mis
Naryne Ahandžanian stała druhoj vice-mis i atrymała pryz hladackich simpatyjaŭ
Pradstaŭniki armianskaj dyjaspary zładzili sapraŭdnaje śviatkańnie
