U Minsku adbyłosia pieršaje pasiadžeńnie Kaardynacyjnaj rady, na jakim była pryniataja rezalucyja. Rada pasprabavała ŭstalavać kantakt z Administracyjaj prezidenta, ale pakul adkazu nie było, piša Tut.by
Na pasiadžeńni byŭ abrany prezidyum Rady, u jaki ŭvajšli Śviatłana Aleksijevič, Lilija Ułasava, Siarhiej Dyleŭski, Maksim Znak, Volha Kavalkova, Maryja Kaleśnikava, Pavieł Łatuška. Rada pryniała rezalucyju, u jakoj patrabuje spynić hvałt, vyzvalić palitviaźniaŭ, pryznać vybary niesapraŭdnymi.
Jak zajaviŭ Pavieł Łatuška, jany ŭžo telefanavali ŭ Administracyju prezidenta, kab paviedamić pra mety i zadačy Rady.
— Siońnia ŭ nas była pieršaja sproba ŭstalavać telefonny kantakt z vysokimi pradstaŭnikami Administracyi prezidenta, kab prainfarmavać ab realnych metach i zadačach, jakija stavić pierad saboj Kaardynacyjnaja rada, čym tyja, jakija ahučvajucca ŭ dziaržSMI. Pakul adkazu nie było, - raspavioŭ Pavał Łatuška.
Eks-dyrektar Kupałaŭskaha teatra adznačyŭ, što Rada bačyła reakcyju Jeŭrasajuza i Rasii na vybary ŭ Biełarusi. Ale, jak ličyć Łatuška, idealnym varyjantam budzie, kali pieramovy pa tranzicie ŭłady buduć prachodzić biez umiašańnia vonkavych sił, a tolki pamiž hramadstvam i ŭładaj Biełarusi.
— My, viadoma, zaŭvažyli reakcyju Jeŭrasajuza, jakaja siońnia była ahučana praz kiraŭnikoŭ krain ES i kiraŭnika MZS RF. Hałoŭnaje — niepryznańnie vybaraŭ, uviadzieńnie sankcyj. Reakcyju Rasii, jakuju ahučyŭ ministr zamiežnych spraŭ, jaki skazaŭ, što vybary prajšli nieidealna, my taksama zaŭvažyli. Mienavita rasijski bok zaklikaŭ nas [ź biełaruskaj uładaj] da dyjałohu. My nie adnojčy heta padkreślivali, my nie raz prapanoŭvali taki dyjałoh [ź biełaruskaj uładaj]. Što tyčycca naohuł siońniašniaj prablemy, my ličym, što jana pavinna być vyrašanaja ŭnutry Biełarusi, my pavinny samastojna vyrašać svoj los. Kali pieramovy buduć prachodzić pa linii hramadstva — ułada — heta samy idealny varyjant, - zajaviŭ Pavieł Łatuška.
Varyjant, kali ŭłady nie pojduć na dyjałoh, u Radzie dapuskajuć, ale čakajuć, što aficyjny Minsk usio ž pahodzicca na dyjałoh dla vyrašeńnia palityčnaha kryzisu ŭ krainie. Siabry Kaardynacyjnaj rady taksama jašče raz padkreślili, što nijakaj prahramy, pra jakuju pišuć niekatoryja ŚMI, u Rady niama.
Maryja Kaleśnikava adznačyła, što Rada nie stavić svajoj metaj źmianieńnie kanstytucyjnaha ładu i źniešniepalityčnaha kursu i padtrymlivaje ludziej, jakija vykazvajuć svajo mierkavańnie, vychodziačy na mirnyja akcyi pratestu.
— U tym liku my padtrymlivajem inicyjatyvy, jakija stvorany dla padtrymki tych ludziej, da jakich prymianiajucca sankcyi. My budziem rasśledavać hetyja fakty, — zajaviła Maryja Kaleśnikava.
