TASS
Ministerstva zamiežnych spraŭ Litvy ŭniesła Alaksandra Łukašenku i 31 biełaruskaha čynoŭnika ŭ śpis nieŭjaznych. Pra heta paviedamlaje Delfi.
Adpaviedny śpis pieradali na zaćviardžeńnie ŭ MUS Litvy.
Kiraŭnik litoŭskaha MZS Linas Linkiavičus nie staŭ raskryvać imiony inšych čynoŭnikaŭ, jakija trapili pad sankcyi, adznačyŭšy tolki, što ŭ śpis trapili słužbovyja asoby AMAP, KDB i Centrvybarkama Biełarusi.
Linkiavičus zajaviŭ, što Litva padtrymlivaje «rašučaść Jeŭrapiejskaj Rady» ŭvieści sankcyi suprać «tych, chto ŭžyvaŭ hvałt i praźmiernuju siłu» ŭ dačynieńni da ŭdzielnikaŭ pratestaŭ u Biełarusi, «suprać kiraŭnikoŭ ustanoŭ, adkaznych za hetyja dziejańni, a taksama suprać tych, chto falsifikavaŭ vybary».
0
0
0
0
0
0
