24 žniŭnia la prachadnoj MTZ zatrymali členaŭ Kaardynacyjnaj rady Volhu Kavalkovu i Siarhieja Dyleŭskaha. Uviečary stała viadoma, što Kavalkova znachodzicca ŭ IČU na Akreścina, dzie Dyleŭski — dahetul nieviadoma. Zatrymanaha ranicaj sustaršyniu strajkamu «Biełaruśkalija» Anatola Bokuna aštrafavali, piša Tut.by.
Fota Nadziei Bužan.
Volha Kavalkova znachodzicca ŭ IČU na Akreścina. Ab miescaznachodžańni Siarhieja Dyleŭskaha infarmacyi niama.
Nahadajem, 24 žniŭnia kala 11.30 la Traktarnaha zavoda AMAP zatrymaŭ členaŭ Kaardynacyjnaj rady — davieranuju asobu eks-kandydata ŭ prezidenty Śviatłany Cichanoŭskaj Volhu Kavalkovu i pradstaŭnika strajkamu MTZ Siarhieja Dyleŭskaha. U Kaardynacyjnaj radzie paviedamili, što Kavalkovu i Dyleŭskaha abvinavačvajuć u niezakonnaj arhanizacyi strajkaŭ. Ale havorka idzie mienavita ab administracyjnym pracesie, heta značyć, imavierna, ab parušeńni paradku arhanizacyi masavych mierapryjemstvaŭ.
