U Viciebsku druhi dzień zapar stanoviacca ŭ łancuh salidarnaści studenty vieterynarnaj akademii. 2 vieraśnia milicyja zatrymała dvaich chłopcaŭ, 3 vieraśnia — čaćviarych, ź ich dźvie dziaŭčyny, piša Tut.by.
I napiaredadni, i siońnia studenty stanavilisia ŭ łancuh salidarnaści na vulicy 1-j Davatara ŭ 11.40 — padčas vialikaha pierapynku pamiž zaniatkami.
Milicyja 2 i 3 vieraśnia dziažuryła kala vietakademii zahadzia, jašče da pačatku akcyj.
Jak raźvivalisia padziei siońnia, TUT.BY raspavioŭ adzin sa studentaŭ VDVAM, vidavočca:
— U łancuhu stajali kala 20 čałaviek. Dvoje mužčyn u cyvilnym, miarkujučy pa ŭsim, tak zvanyja cichary, znachodzilisia pobač i kuryli. Choć na terytoryi vietakademii kureńnie zabaroniena. Adzin chłopiec zdymaŭ na videa, što hetyja mužčyny kurać. Tyja padyšli i zatrymali hetaha studenta. Zaadno zabrali jašče adnaho chłopca — jaki prosta stajaŭ pobač.
Paśla hetaha «łancuh» razarvaŭsia: ź jaho vyjšła pałova studentaŭ.
— Zastalisia stajać čałaviek vosiem. Nieŭzabavie zabrali jašče dźviuch dziaŭčyn, — dapaŭniaje śviedka. — Usich čatyroch dastavili ŭ RAUS.
Adzin zatrymany chłopiec — student z Ukrainy, jon vučycca na 4 kursie. Druhi — taksama čaćviortakurśnik.
Ukrainca i dźviuch dziaŭčat adpuścili, druhi chłopiec jašče ŭ milicyi.
