Śpis asob, u dačynieńni da jakich ES płanuje ŭvieści sankcyi z-za situacyi vakoł prezidenckich vybaraŭ u Biełarusi i nastupnych pratestaŭ, budzie składacca z 40-50 imionaŭ. Pra heta paviedamiŭ u čaćvier u Sienacie namieśnik ministra zamiežnych spraŭ Polščy Piotr Vaŭžyk, piša TASS.
«Zychodziačy z taho, što my možam skazać na dadzieny momant, heta śpis ź niekalkich dziesiatkaŭ imionaŭ. Moža być, 50, moža, 40, moža być, bolš», — skazaŭ jon, adkazvajučy na pytańnie adnaho ź sienataraŭ ab budučych sankcyjach u dačynieńni da Biełarusi.
«Polšča chacieła b, kab hety śpis byŭ jak maha šyrej. My vystupajem za toje, kab śpis nasiŭ adkryty charaktar, kab jaho lohka možna było maksimalna pašyryć», — cytuje słovy Vaŭžyka Polskaje ahienctva druku.
Na jaho dumku, śpis pavinien ŭklučać i pradstaŭnikoŭ siłavych struktur.
