U Vierchniadźvinskim rajonie znojdziena cieła mužčyny, jaki ličyŭsia źnikłym bieź viestak. 27 vieraśnia ŭ milicyju źviarnułasia žančyna z zajavaj ab źniknieńni jaje 43-hadovaha znajomaha, paviedamlaje SK u svaim telehram-kanale.
Rabotniki milicyi chutka vyśvietlili, što mužčyna byŭ zabity.
Miarkujecca, viečaram 20 vieraśnia jon adpačyvaŭ u kampanii, vypivali. U vyniku pamiž 34-hadovym haspadarom doma i im adbyŭsia kanflikt, padčas jakoha hościu byli pryčynienyja cialesnyja paškodžańni, ad jakich jon pamior na miescy. Paśla hetaha padazravany zakapaŭ cieła niedaloka ad doma.
Śledčymi praviedzieny ahlad miesca zdareńnia.
Raspačataja kryminalnaja sprava pa č. 2 art. 139 (zabojstva z asablivaj žorstkaściu) Kryminalnaha kodeksa. Padazravany zatrymany.
