Vyniesieny prysud pa spravie ab «bukmiekierskich» matčach. Hulcy «Viciebska» atrymali terminy ad adnaho da troch hadoŭ, piša «Priessboł».
U roli abvinavačanych vystupali bramnik Raman Strelnikaŭ, abaroncy Vital Sapieha, Kirył Sačyŭka. Anton Miadźviedzieŭ i napadajučy Alaksandr Palicynski. Im zakidali niesumlennuju hulniu padčas rozyhryšu Kubka Saleja-2019 u žniŭni minułaha hoda.
Śledstva vyjaviła, što ŭ pajadynkach, prajhranych viciebčukami z bujnym likam, padsudnyja rabili staŭki na vynik asobnych pieryjadaŭ. Chakieistaŭ, jakija trapilisia na niesumlennaj hulni, sud Čyhunačnaha rajona Viciebska prysudziŭ da abmiežavańnia voli terminam ad adnaho da troch hadoŭ z zabaronaj zajmacca asnoŭnaj prafiesijaj na termin abmiežavańnia. Chakieisty majuć namier padać apielacyi.
U zhadanym kubkavym rozyhryšy «Viciebsk» nie zdoleŭ nabrać nivodnaha bała, zaviaršyŭšy jaho z roźnicaj šajbaŭ 12-47.