Fota Darji Burakinaj, Tut.by
Ministr unutranych spraŭ Juryj Karajeŭ zajaviŭ, što lidaru «dvara pieramienaŭ», palitviaźniu Ściapanu Łatypavu, inkryminujucca jašče i ekanamičnyja złačynstvy.
«U čym jon byŭ zaŭvažany? Pastaŭka tych samych jadachimikataŭ, srodkaŭ abarony raślin, sa sprobami chabaraŭ. My ŭsio dakažam, — zajaviŭ Karajeŭ u efiry «Biełaruś 1». — Siadzieŭ by jon cicha, moža, nie pryciahnuŭ da siabie ŭvahu, pakul by da jaho nie dabralisia».
«Jon uvieś na dałoni, hety amatar jadachimikataŭ. Darečy, płanavaŭ raźviejać jadachimikaty ź jakoha-niebudź šmatpaviarchovika na bajavyja paradki AMAPa i ŭnutranych vojskaŭ. Nu, budzie adkazvać».
Łatypava zatrymali 15 vieraśnia ŭ viadomym dvary doma pa Smarhoŭskim trakcie. Zatrymańnie mužčyny trapiła na fota i videa. Jaho zatrymali, paśla taho jak jon nastojliva patrabavaŭ pradstavicca ad asob biez apaznavalnych znakaŭ, jakija zafarboŭvali murał z «dydžejami pieramien».
