27-hadovy Raman Narejka atrymaŭ štraf u sudzie Savieckaha rajona (sudździa Alena Žukovič).
«Mianie vyklikali paviestkaj u RAUS Savieckaha rajona. Mama atrymała pad podpis, pieradała mnie. Heta było dva tydni tamu, — zhadvaje Raman. —
Ja schadziŭ, milicyjant dastaŭ sa stosa tečku z majoj spravaj. Pradjavili, što 6 vieraśnia ja ŭdzielničaŭ u mitynhu, vykrykvaŭ łozunhi. U spravie była fotka i rapart pra toje, što nibyta viałasia apieratyŭnaja zdymka. I da materyjałaŭ dałučany skrynšot ź videa. Ale jon — adzin u adzin jak fota z majho instahrama, vykładzienaje jakraz 6 vieraśnia. I jaho vydavali za skryn ź videa. Na fota čałaviek u mascy — heta nibyta ja».
Narejka kaža, što jon pakazvaŭ fota ź instahrama i adznačaŭ, što jano identyčnaje «skrynšotu apieratyŭnaj zdymki». Taksama adznačyŭ, što ŭ pratakole zhadavałasia simvolika, jakuju nibyta mieŭ chłopiec, a na fota vidać, što nijakaj simvoliki niama.
Raman na sudzie vinu nie pryznaŭ, siabie na fota nie paznaŭ taksama.
«U vyniku mianie ŭsio roŭna pryznali vinavatym. Dali štraf 30 bazavych», — kaža Raman. Ciapier jon płanuje abskardzić prysud.
