trialsitenews.com
Treciaja faza vyprabavańniaŭ vakcyny ad karanavirusa mRNA-1273 amierykanskaj kampanii Moderna pakazała efiektyŭnaść preparata na ŭzroŭni 94,5%. Pra heta paviedamlajecca na sajcie raspracoŭščyka sa spasyłkaj na źviestki ekśpiertaŭ Savieta pa manitorynhu biaśpieki źviestak (DSMB), piša lenta.ru.
U vyprabavańniach uziali ŭdzieł bolš za 30 tysiač čałaviek, zaražeńnie karanavirusam na pramiežkavym etapie było vyjaŭlena ŭ 95 čałaviek. Adznačajecca, što 90 vypadkaŭ pryjšłosia na kantrolnuju hrupu, pradstaŭnikam jakoj uvodzili płaceba. Takim čynam, siarod tych, chto sapraŭdy atrymaŭ vakcynu ad COVID-19, zarazilisia tolki piać čałaviek. Bolšaść udzielnikaŭ daśledavańnia pieranieśli vakcynacyju bieź jakich-niebudź prykmietnych nastupstvaŭ.
Hienieralny dyrektar Moderna Stefan Bansiel zajaviŭ ab pavarotnym momancie ŭ raspracoŭcy preparata. «Heta pavarotny momant u raspracoŭcy našaj vakcyny. Vynik pramiežkavaha analizu daŭ nam pieršaje kliničnaje paćvierdžańnie taho, što naša vakcyna moža praduchilać zachvorvańnie na COVID-19, u tym liku ŭ ciažkaj formie», — skazaŭ jon.
Raniej amierykanskaja farmaceŭtyčnaja kampanija Pfizer i jaje niamiecki bijatechnałahičny partnior BioNTech abviaścili ab paśpiachovaj treciaj fazie kliničnych vyprabavańniaŭ vakcyny BNT162b2 ad karanavirusa. Treciaja faza prademanstravała efiektyŭnaść vakcyny bolš čym u 90% padyspytnych.
U Rasii zarehistravanyja dźvie vakcyny. Jany raspracavanyja Centram Hamalei i navukovym centram Rasspažyŭnahladu «Viektar». Abodva preparaty atrymali rehistracyju da zaviaršeńnia treciaj stadyi kliničnych vyprabavańniaŭ. Heta vyklikała krytyku z boku rasijskich i zamiežnych śpiecyjalistaŭ.
Vakcynu Pfizer nazvali na 90% efiektyŭnaj ad COVID-19, pavodle źviestak pramiežkavaha analizu
