Pra heta BiełTA zajaviła staršynia Pastajannaj kamisii pa biudžecie i finansach Pałaty pradstaŭnikoŭ Ludmiła Niževič.
U apošnija dni ekśpierty, palityki i hramadzianie aktyŭna abmiarkoŭvajuć temu darožnaha zboru. Pastajannaja kamisija pa biudžecie i finansach razam z ekśpiertami praličyła mahčymyja varyjanty, detalova vyvučyła suśvietnuju praktyku, prapanovy, jakija pastupili ŭ adras parłamienta ad nasielnictva.
«Pytańnie ŭklučeńnia zboru ŭ paliva, mahčyma, i vyhladaje jak najbolš spraviadliva. Ale, pa našaj acency, niehatyŭnaja dynamika suśvietnych koštaŭ na vuhlevadarodnuju syravinu i niespryjalny jaje prahnoz na siarednieterminovuju pierśpiektyvu, niaŭstojlivaść nacyjanalnaj valuty i devalvacyjnyja pracesy, jakija vyjavilisia ŭ apošni čas, abmiežavanaść biudžetaŭtvaralnych krynic i inšyja abstaviny, jakija pryvodziać da destruktyŭnych nastupstvaŭ dla nacyjanalnaj ekanomiki, robiać hety varyjant mienš prymalnym», — skazała Ludmiła Niževič.
