U Dobrušskim rajonie dvoje mužčyn atrucilisia hrybami paddubnikami i pamierli. Trahiedyja adbyłasia ŭ listapadzie ŭ pasiołku Śvietły, paviedamlaje Dziaržkamitet sudovych ekśpiertyz.
Mužčyn znajšli ŭ domie ŭ nieśviadomym stanie. Miedyki, jakija prybyli na miesca, kanstatavali śmierć adnaho ź viaskoŭcaŭ, a druhoha špitalizavali z charčovym atručvańniem, adnak vyratavać jaho nie ŭdałosia.
Na stale stajała talerka ź niedajedzienymi hrybami, a ŭ pakoi — dva trochlitrovyja słoiki z kansiervavanymi hrybami, siarod jakich było šmat paddubnikaŭ.
Ekśpierty adznačajuć, što ŭ Biełarusi isnuje try raznavidnaści paddubnika, adna ź jakich vielmi atrutnaja i moža nanieści surjoznuju škodu zdaroŭju čałavieka, u im prysutničaje muskaryn — nadzvyčaj atrutny ałkałoid.
